ማሕበር ልምዓት ትግራይ ኣብ ወርሒ ነሓሰ, ብ1981 ዓ.ም ኣብ ሰ/ኣሜሪካ ከተማ ዋሽንግተን ዲሲ “ ካብ ድኽነትን ድሕረትን ዝተናገፈት ምዕብልቲ ትግራይ ምፍጣር” ዝብል ራእይ ተሓንጊጣ ካብ ትምስረት ወርሒ ነሓሰ, 2001 ዓ.ም 20 ዓመት ጌራ እያ፡፡
መበል 20 ዓመት ልደት ማልት ኣብ ውሽጢ ዓድን ወፃእን ብዝተፈላለዩ ምድላዋት ብዝለዓለ ድምቀትን ዓወትን ተኸቢሩን እናተኸበረን’ዩ፡፡
ቐንዲ ዕላማ’ቲ በዓል ማልት ኣብ ዝሓለፉ 20 ዓመታት ምስ ኣባላታ፣ ደገፍታን ፈተውቲ ልምዓት ትግራይን ማይን ፀባን ኮይና ኣብ ልምዓት ትግራይ ዘሳለጠቶም ልምዓታዊ ንጥፈታት ብምስትምቓር ንቐፃላይ ማልት ብኣባላትን እቶትን ተጠናኺራ ኣብ ልምዓት ትግራይ ጭቡጣት ለውጢታት ንምምፃእ ቃል ኪዳንና ንምሕዳስ’ዩ፡፡
ኣብ ዝሓለፉ 20 ዓመታት ኣብ ጎኒ ማልትን ህዝቢ ትግራይን ተሰሊፍኩም ብገንዘብ፣ ማቴሪያል፣ ፍልጠትን፣ ጉልበትን ኣስተዋፅኦ ንዝገበርኩም ኩሉኹም ኣባላት፣ ደገፍቲ ማልትን መላእ ህዝቢ ትግራይን ፈተውቲ ልምዓት ትግራይን ካብ ልቢ ዝነቐለ ምስጋናኣ ተቕርብ፡፡
ንቐፃሊ’ውን ኣብ ጎኒ ማልትን ህዝቢ ትግራይን ተሰሊፍኩም ልምዓት ትግራይ ንኽሳለጥ ደገፍኩም ከምዘይፍለያ እምነታ ልዑል እዩ፡፡
ሓዱሽ ዓመት ዘበነ ሰላም፣ ዕብየትን ብልፅግናን ንክኾነልኩም ድማ ሰናይ ትምኒታ ትገልፅ፡፡
ማሕበርኩም ማሕበር ልምዓት ትግራይ!