Tigrigna Version

ብወናኒ ዳሎል ፋብሪካ ውፅኢት እምኒን ሲሞንቶን ኣብ ከተማ ኩሓ ዝተሃነፃ መምሀሪ ክልተ ብሎክ ተመሪቐን

እተን ውፅኢት ቴሌቶን ማልት ዝኾና ኣብ ከተማ ኵሓ ኣብ ቐፅሪ 2^ይ ብርኪ ቤት ት/ቲ ወልዱ ንጉስ ዝተሃነፃ 8 ተወሰኽቲ መምሀሪ ክፍልታት ዘለወን 2 ብሎክ ዕለት 21 ለካቲት, 2002 ዓ.ም ብድሙቕ ስነ-ስርዓት ተመሪቐን፡፡

ብኣይተ ቢንያም ብርሃነ ኣቶና ሙእ ወፃኢ ተሃኒፁ ዝተመረቐ ላይብረሪ ኣብ ዞባ ምብራቕ ወረዳ ሳዕሲዕ ፃዕዳ እምባ ከተማ ፍረወይኒ ‘ዩ።

ዕለት 13 ለካቲት 2002 ዓ/ም ኣብ ዞባ ደቡብ ምብራቕ ወረዳ ስሓርቲ ሳምረ ጣቢያ ግጀት ተመሪቓ ስሩዕ ግልጋሎት ምሃብ ዝጀመረት ቀዳማይ ብርኪ ቤት ትምህርቲ ሜዳ ግጀት ብምትሕብባር ምምሕዳር ክልል ሶማሌን ሕብረተሰብ ግጀትን ዝተሃነፀት’ያ።

ኣብ ዞባ ምብራቕ ወረዳ ኣፅቢ ወምበርታ ጣቢያ ዓዲ መሳኑ ቑሸት ኣፍቀራ ዝነበረት መርኣያ ኣብያተ ትምህርቲ ዳስ ትግራይ ናብ ዘመናዊ ህንፃ ተቐይራ ዝተመረቐት ዕለት 14 ለካቲት 2002 ዓ.ም እዮ።

እቲ ኣብ ትግራይ ደቡባዊ ዞባ ወረዳ ኦፍላ ጣቢያ ፋላ ቑሸት መሳኑ ህንፀቱ ተዛዚሙ ባሕቲ ለካቲት ተመሪቑ ንግልጋሎት ዝበቕዐ ቤት ትምህርቲ ማሕበር ልምዓት ትግራይ ዓሚ ኣካይዳቶ ኣብ ዝነበረት ዕውት ቴሌቶን ብብሄራዊ ክልላዊ መንግስቲ ኣምሓራ ቃል ዝተኣተወን ናብ ተግባር ዝተለወጠን ‘ዩ።

እዚ ዝተሓበረ 26 ጥሪ 2002 ዓ/ም ኣብ ዓለም ለኸ ቤት ፅሕፈት ማሕበር ልምዓት ትግራይ ኣብ ዝተኻየደ ስነ ስርዓት ጋዜጣዊ መግለፂ’ዩ።ነቲ ጋዜጣዊ መግለፂ ዝሃቡ ኣተሓባባሪ ስራሕቲ ማልት ማእኸላይ ምብራቕ መምህር ያሲን ራጅኡን፣ ዲን ኮሌጅ ጥዕና ሳይንስ መቐለ ዩኒቨርስቲ ዶክተር ዓብደልቃድር መሓመድ ሰይድን ብሓባር ‘ዬም።

እዚ ዝተሓበረ ፈፃሚ ዳይሬክተር ማልት ኣምባሳደር ተወልደ ገብሩ ዕለት 4 ሕዳር, 2002 ዓ.ም ኣብ ቤት ፅሕፈቶም ንጋዜጠኛታት ኣብዝሃቡዎ ጋዜጣዊ መግለፂ’ዩ፡፡

ማልት ኣብዚ ዓመት ካብዝሓዘቶም ዓበይቲ መደባት ኣባላት ምስፋሕን ስርዓት ወፈያ ክህሉን ክጠናኸርን ኣበርቲዓ ምንቅስቓስ ምዃኑ ዝገለፁ ኣምባሳደር ተወልደ፣ ብፍላይ ማሕበረሰብ ንግዲ ብስም ትካሉ፣ ተምሃሮ ካልኣይ ብርክን ዩኒቨርስቲን ሰራሕተኛታት መንግስቲ ብውዳበን ብወፈያን ምጥንኻር’እዩ፡፡

እታ ብማሕበረሰብ ዩኒቨርሲቲ መቐለ ህንፀታ ተዛዚሙ ዕለት 30 መስከረም 2002 ዓ.ም ተመሪቓ ስሩዕ ስርሓ ዝጀመረት ሙሉእ ቀዳማይ ብርኪ ቤት ትምህርቲ ኣብ ዞባ ደቡብ ምብራቕ ወረዳ ሕንጣሎ ወጀራት ጣቢያ ሒዋነ ቁሸት ዝባን ዓልበ እያ ትርከብ።

መግለፂ ሰናይ ትምኒት

ንመላእ ህዝቢ ትግራይ ኣባላትን ደገፍትን ማልትን ፈተውቲ ልምዓት ትግራይን እንኳዕ ን2002 ዓ.ም ሓዱሽ ዓመት ብሰላም ኣብፀሐኩም ኣብፀሐና ትብለኩም ኣላ ማሕበርኩም ማሕበር ልምዓት ትግራይ!