ከንቲባ ኮሚቴ ምምሕዳር ከተማ ሻሸመኔ ፣ ዋና ስራሕ መካየዲን ሰራሕተኛታት ቤት ማዘጋጃ ከተማ ሻሸመኔ ፍሉጣት ሰባትን ሰብ ሃብትን ሓዊሱ ልዕሊ 150 ዕዱማት ዝተረኸቡሉ እንግዶት ድራር ብዝለዓለ ድምቀት ተኻይዱ እዩ።
ከንቲባ ከተማ ሻሸመኔ ኣይተ ፈይሳ ረጋሳ ብዛዕባ ዕላማ እቲ እንግዶት ድራር ንዕዱማት ተሳተፍቲ ዝገለፁ እንትኾን ኣቦ መንበር ማልት ጨንፈር ደቡብ ኢ/ያ ኣይተ ተኸስተ ሓጎስ ድማ ብዛዕባ ሕሉፍ ልምዓታዊ ፍፃመታትን ቐፃሊ ጉዕዞ ማልትን ዝርዝር መብርሂ ሂቦም እዮም።
ኣብዚ መድረኽ እቶት ምትእኽኻብ ኮሚቴ ከንቲባን ሰራሕተኛታት ቤት ማዘጋጃ ከተማ ሻሸመኔ ሕድ ሕዶም 20 ሽሕ ብር ብድምሩ 40 ሽሕ ብር ዘወፈዩ እንትኾን ኩሉ በቢ ዓቕሙ ብምውፋይ ቐፂሉ ኣስታት 150 ሽሕ ብር ብጥረን ብቼክን ንምሃብ ቃል ብምእታው እቲ እንግዶት ድራር ተዛዚሙ እዩ።
ህዝብን ምምሕዳርን ከተማ ሻሸመኔ ብሽሞሞ ሓደ 1ይ ብርኪ ቤት ትምህርቲ ኣብ ትግራይ ንምህናፅ ፕሮጀክት ሓንፂፆም እናተንቀሳቐሱ እዮም።
ቅድም ክብል ኣባላትን ደገፍትን ማልት ጨንፈር ደቡብ ኢትዮጵያ ኣብ ዞባ ምዕራብ ትግራይ ወረዳ ላዕላይ ኣድያቦ ከተማ ዓዲ ዳዕሮ ሓደ ብሎክ መምሃሪ ክፍሊ 2ይ ብርኪ ቤት ትምህርቲ ሃኒፆም እዮም ።